Home / Featured / माेबाइलबाटै आफूले चाहेको ठाउँकाे हाेटल बुक गर्न मिल्ने एप ‘बसाई’

माेबाइलबाटै आफूले चाहेको ठाउँकाे हाेटल बुक गर्न मिल्ने एप ‘बसाई’

घरमै बसेर आफूले चाहेको ठाउँकाे हाेटल बुक गर्न मिल्ने माेबाइल एप निर्माण भएकाे छ । नेपालमा पर्यटन क्षेत्रको प्रवद्धन गर्ने र मुलुकलाई डिजिटलाइजेसनतर्फ लग्ने उद्देश्यले ‘बसाई’ नामक एप संचालनमा ल्याइएको नेपाल बसाई ट्राभल एण्ड टुर सर्भिस प्रालिका प्रबन्ध निर्देशक सिद्धान्त ज्ञवालीले बताए ।

अाफूले खाेजेकाे हाेटल, काेठा र त्यसकाे मूल्य घरबाटै बुक गर्न सकिने याे सुविधाबाट मुख्यतः स्वदेशी पर्यटक लाभान्तवित हुने छन् । यसका लागि कम्पनीले हालसम्म मुलुकको भैरहवा, लुम्बिनी, बुटवल, चितवन, पोखरा, काठमाडौं, धुलिखेल र नगरकोटको गरी ७० वटा होटलसगँ सम्झौता गरिसकेको छ ।

ज्ञवालीका अनुसार कम्पनीसगँ सम्झौता भएको सबै शहरहरुमा पर्यटकले चाहे जस्तो सस्तोदेखि महंगो सम्मका होटलहरु एप मार्फत बुक गर्ने सक्नेछन् । एपमार्फत बुक गरेको कोठामा १० प्रतिशतसम्म छुट दिइने कम्पनीले बताएको छ । कम्पनीले अहिले एक तारे देखि ३ तारेसम्मका होटलहरुसगँ सम्झौता गरिसकेको छ । ५ तारे होटलहरुसँग सम्झौताको तयारी रहेको बताएको छ ।

होटलको कोठा बुक गर्नका लागि सर्वप्रथम एन्ड्रोइड सिस्टमको मोबाइल खोली प्ले स्टोरमा गई ‘बसाई’ Basaiyee नामक एप्लीकेशन खोजेर मोबाइलमा डाउनलोड गर्नुपर्छ । त्यसपछि एप्लीकेशन प्रवेश गरी युजर नेम र पाससवार्ड राखेर साइन इन गर्नुपर्छ । त्यसपछि आफुले खोजेको शहरमा विभिन्न होटलहरुको विभिन्न किसिमका कोठाहरुको मुल्य सहितको विवरण आउनेछ । त्यसपछि आफुले चाहेको अवधीभरका लागि कोठा बुक गर्न सकिन्छ ।

Check Also

आज आइसिटी अवार्ड हुँदै, ४ विधामा अवार्ड दिइदै, सञ्चारमन्त्री सहित विशिष्ट व्यक्तिको उपस्थिति हुने

दोस्रो संस्करणको नेटिस आइसिटी अवार्ड २०१७ आज आयोजना हुँदैछ । राजधानीको होटल याक एन्ड यतीमा …

आइसिटी अवार्ड २०१७ : यस्ता छन् शीर्ष ५ प्रतिष्पर्धी स्टार्टअप र इन्नोभेटभ प्रडक्ट

लिभिङ विथ आइसिटीको आयोजनमा भदौ १ मा हुने दोस्रो संस्करणको आइसिटी अवार्डका ४ विधामध्ये बेस्ट …

Leave a Reply

Your email address will not be published. Required fields are marked *