Home / Featured / प्रिन्टर किन्दै हुनुहुन्छ ? यी कुराहरू ध्यान दिनुहाेस्

प्रिन्टर किन्दै हुनुहुन्छ ? यी कुराहरू ध्यान दिनुहाेस्

hp-printer

विभिन्न कार्यविशेषका लागि फरकफरक प्रविधिमा आधारित धेरै प्रिन्टिङ प्रविधि अहिले उपलब्ध छन् । घरेलु प्रयोजन, साना ट्राभल कम्पनीदेखि विभिन्न काम गर्ने ठूला कम्पनीहरूले काम तथा प्रयोगको प्रकृतिअनुसार प्रिन्टरहरू प्रयोग गर्ने गर्दछन् । यसैगरी, थुप्रै आकारमा आउने प्रिन्टरहरूमा फोटोग्राफरदेखि मल्टिटास्किङ गर्ने प्रयोगकर्ताहरूलाई लक्षित गरी उत्पादन गरिएका पाइन्छन् । यसर्थ तपाईंले कस्तो किसिमको प्रिन्टर रोज्ने भन्ने कुराको निर्धारण पनि तपाईंको आवश्यकतामा नै भर पर्दछ । प्रिन्टर खरिद गर्नुअघि तपाईंले निम्न कुराहरूमा ध्यान दिनुहोस् :

प्रिन्टर प्रयोगको प्रयोजन
प्रिन्टरहरू विभिन्न प्रयोजन विशेषलाई लक्षित गरिएका हुन्छन् । यस्तोमा तपार्इंको आवश्यकता र कामको प्रकृतिले कस्तो प्रिन्टरको प्रयोग गर्ने भन्ने कुराको निर्धारण गर्दछ ।

होम युजरpixma-home-office_tcm114-1203921
होम युजरले पनि एउटा प्रिन्टरबाट धेरै कामको अपेक्षा गरेका हुन्छन् । होम युुजरका लागि सानो अफिस/होम–अफिस कलर इंकजेट लिन उपयुक्त हुदछ । यस्ता प्रिन्टरहरू सिंगल–फङ्सन इन्जेक्टका लागि ३/४ हजार रूपैयाँदेखि इन्टरयाक्टिभ टच प्लानेलहरू, वेब कनेक्टिभिटी, क्लाउड प्रिन्टिङ र अन्य फिचरका लागि ५०/५५ हजारसम्ममा बजारमा उपलब्ध छन् ।

सानो बिजनेश
सानो बिजनेशका लागि अलइन अल वा मल्टिफङ्सन प्रिन्टरहरू उपयुक्त रोजाइ बन्न सक्दछन् । यसको खरिदमा पनि कम रकम खर्च हुने र एउटै मेशिनबाट प्रिन्ट, फोटोकपी, स्क्यान तथा फ्याक्ससम्मको काम गर्न सकिने भएकाले एकदमै राम्रो रोजाइ बन्न सक्दछ । यसरी बजेट र ठाउँको पनि बचत हुन्छ भने, मेन्टिनेन्समा पनि तपाईंले धेरै झन्झट बेहोर्नुपर्दैन ।

corporate-printer-key-padकर्पोरेट
कर्पोरेट बिजनेश ठूलो हुने भएकाले यसमा कमको चाप धेरै हुन्छ र डकुमेन्टेशनका काम पनि धेरै नै हुने गर्दछन् । यसले गर्दा कर्पोरेटका लागि लेजर प्रिन्टरहरू उपयुक्त हुन्छन् । किनभने लेजर प्रिन्टरमा द्रुत गतिमा चल्ने प्रोसेसर, धेरै मेमोरी र लेजर प्रिन्टरले द्रत गतिमा धेरै प्रति डकुमेन्टहरू प्रिन्ट गर्न सक्ने क्षमतको इञ्जिन हुने भएकाले लेजर प्रिन्टर रोज्नु उपयुक्त हुन्छ ।

स्पेसिफिकेशनको खोजी/फिचरहरू
राम्रो प्रिन्टरको मूल्यांकन वा पहिचान गर्दा सबैभन्दा पहिला स्पेसिफिकेशन सूचीलाई राम्रोसँग हेर्नुहोस् । प्रिन्टरमा हेर्नुपर्ने मुख्य कुराहरूलाई तल प्रस्तुत गरिएको छ ।

रेजोलुशन
प्रिन्टरमा हेर्नुपर्ने एउटा मुख्य विशेषता भनेको रेजोलुशन हो । रेजोलुशन भन्नाले प्रतिइन्चमा थोप्ला/बिन्दुहरू (dots perinch/dpi) को अधिकतम संख्यालाई बुझ्न सकिन्छ, जुन प्रिन्ट गर्न र ठाडो तथा तेर्सो दुवै तर्फबाट नाप्न पनि सकिन्छ । उदाहरणका लागि ६०० गुणा ६०० डिपिआई लेजर प्रिन्टरले एक वर्ग इन्च (1-inch square) भित्र ठाडो र तेर्सो दुवैतर्फ ६०० ओटा डटहरू अटाउँछन् । प्रिन्टरहरूले विशेषतः कागजमा मसी वा टोनरको प्रयोग गरेर छपाइ गर्दछन् । इंकजेटहरूमा नोजलको प्रयोग गरिएको हुन्छ, जसले धेरै साना मसीका थोपाहरूलाई छर्ने काम गर्दछ । जब कि लेजर प्रिन्टरहरूले टोनरका डटहरूलाई पगालेर कगजमा छाप्दछन् । प्रिन्टरको एक वर्ग इन्चमा जति डटहरूलाई खा“द्न सकियो छपाइको इमेज वा आकृति पनि त्यति नै प्रस्ट हुन्छ । यसरी, रेजुलेशन जति बढी छ, धेरै हदसम्म त्यसको छपाइको गुणस्तरमा पनि वृद्वि हुन्छ ।

प्रिन्ट स्पिड
यो विशेषताले कुनै प्रिन्टरले प्रतिमिनेटमा कति पेजहरू/फोटोहरू (ppm) छाप्न सक्दछ भन्ने कुरा देखाउँदछ । तपाईंको आवश्यकता र कामको प्रकृतिअनुरूपको प्रिन्टर खरिद गर्नुअनुरूप सो प्रिन्टरले प्रतिमिनेटमा छाप्न सक्ने क्षमताले पनि महत्वपूर्ण भूमिका खेल्न सक्दछ । त्यसैले तपार्इंको आवश्यकताअनुरूपको प्रिन्टरको छपाइको स्पिड हेर्नुहोस् ।

कनेक्टिभिटी
प्रिन्टरले प्रयोग गर्ने युएसबी (USB/Universal Serial Bus) युनिभर्सल छ । त्यसैले अहिले सबै प्रिन्टरहरूमा युएसबी २.० पोर्ट राखिएको हुन्छ । वर्क ग्रुप प्रिन्टरहरूले त आरजे–४५ (RJ-45) कनेक्टरको मद्दतबाट स्ट्यान्डर्ड इथर्नेट केबलको प्रयोग गरी नेटवर्कभित्र पनि प्रिन्ट गर्न सकिने हुन्छन् । अझ बढी सहजताका लागि धेरै प्रिन्टर मोडेलमा प्रिन्ट सर्भरका साथै बिल्ट–इन वाइफाई र क्लाउड प्रिन्टिङजस्ता महत्वपूर्ण फिचरहरू समावेश गरिसकेका छन् । अहिले युजरलाई वेबबाट कुनै पनि डकुमेन्ट वा तस्वीर प्रिन्ट गर्न सकिने इमेल प्रिन्ट फिचर पनि केही मोेडेलहरूमा आइसकेको छ ।

प्रोसेसर र मेमोरी
प्रोसेर र मेमोरीजस्ता विशेषता तपार्इंले इंकजेट वा लेजर प्रिन्ट कुन किन्नुहुँदै छ भन्ने कुरामा विशेष महत्वपूर्ण राख्छ । इंकजेट लाइन प्रिन्टर हो, लेजरचाहिँ पेज प्रिन्टर हो । लाइन प्रिन्टरका लागि कम्प्युटरले आफ्नो मेमोरीमा पेजलाई कम्पोज गर्दछ र सानो प्याकेटका रूपमा प्रिन्टरतर्फ पठाउँदछ । त्यसैले यस्तो प्रिन्टरको हकमा प्रिन्टरको प्रोसेसर र मेमोरीले सामान्यतया खासै भिन्नता ल्याउँदैन । तर, पेज प्रिन्टरमा भने सम्पूर्ण पेज प्रिन्टरको मेमोरीमा सबै पेज बस्ने भएकाले लेजर प्रिन्टरमा मेमोरीको महत्वपूर्ण छ । टेक्स्ट मात्र प्रिन्ट गर्दा खासै मेमोरीको प्रयोग हुन्न । तर, तपार्इं उच्च रेजोलुशनका ठूला तस्वीर, ग्राफिक्स फाइलहरू प्रिन्ट गर्न चाहनुहुन्छ भने धेरै मेमोरी भएको प्रिन्टर छान्नुहोस् ।

printer-tonerइंक र टोनर
इंकजेट प्रिन्टरहरू उपलब्ध प्रिन्टरहरूमध्ये सबैभन्दा सस्तो मूल्यमा खरिद गर्न पाइने प्रिन्टरहरू हुन् । यद्यपि, इंकको र स्पेसिएल्टी पेपर रिप्लेसमेन्टमा भने ओनरसिपमा थप मूल्य पर्न आउँदछ । इंकजेट प्रिन्टरका लागि अवश्यक इंक प्रति काट्रिज लगभग १ हजारदेखि ३ हजारसम्म पर्न आउँदछ र उच्च क्षमताका प्रिन्टर मोडेलहरूमा १ सयदेखि ८०० पेजसम्मका लागि पुग्दछ । अलि महँगा प्रिन्टरहरू भने प्रयोग गर्दैै जाँदा कम खर्चालु सावित हुन्छन् । किनभने यस्ता प्रिन्टरमा प्रत्येक रंगका लागि उच्च क्षमताको इंक ट्यांक र भिन्नै इंक ट्यांकको व्यवस्था हुन्छ । यसर्थ कुनै एउटा रङको इंक सकि“दैमा तपार्इंले सबै सबै रंग फेर्नुपर्दैन ।

अर्कोतर्फ लेजर टोनरको हकमा काट्र्रिजहरू मूल्य, उत्पादन र प्रिन्ट क्षमताका आधारमा फरक पर्दछ । पर्सनल लेजर प्रिन्टरमा प्रयोग भएको सानो काट्रिजलाई रु. १ हजार आसपास र उच्च क्षमताको नेटवर्क गु्रप लेजर प्रिन्टरको काट्र्रिजलाई रु. ३० हजारबराबर पनि पर्न सक्दछ । टोनरको मूल्य उच्च देखिए पनि यसले प्रतिफल राम्रो दिन्छ । लेजर प्रिन्टरमा प्रयोग हुने एउटा काट्रिजले सामान्यतया २५ सयदेखि १० हजार पेजसम्म प्रिन्ट गर्नलाई पुग्दछ भने कुनै कुनैले त ३० हजारसम्मलाई पुग्ने पनि दाबी गर्दछन् ।

Check Also

NMB-bank-donate-drone-to-ne

ट्राफिक व्यवस्थापन गर्न ड्रोनको प्रयोग गरिने

त्यही जाम कम गर्न र ट्राफिक व्यवस्थापन गर्न अब ड्रोनको प्रयोग गरिने भएको छ । …

300_0930

माघ १३ देखि हुने ‘सुबिसु क्यान इनफोटेक २०१७’ को तयारी तीव्र, यस्ता छन् विशेष आकर्षण

क्यान महासंघको आयोजनामा २३औं संस्करणको बृहत् सूचना प्रविधि मेला ‘क्यान इन्फोटेक’ आगामी माघ १३ गतेदेखि …

Leave a Reply

Your email address will not be published. Required fields are marked *