Home / Featured / राेचक तथ्य : माेबाइलकाे पहिलाे पुस्तादेखि साताैं पुस्तासम्म

राेचक तथ्य : माेबाइलकाे पहिलाे पुस्तादेखि साताैं पुस्तासम्म

१.

मोबाइल नेटवर्कको पहिलो जेनेरेशन (1G) को कमर्सियल अटोमेटेड सेलुलार नेटवर्कको सुरुवात सन् १९७९ मा जापानमा एनटिटीले गरेको थियो । यो एमपिएस स्ट्यान्डर्डमा रहेको थियो । एनालग प्रविधिमा रहेको आवाजका लागि मात्र प्रयोग हुने यसको स्पिड १ केबिपिएसदेखि २.४ केपिपिएससम्म रहेको थियो ।

२.

सन् १९८० देखि १९९० को बीचमा जापान र अमेरिकाबाट सुरु भएको जिएसएम प्रविधिमा आधारित दोस्रो पुस्ताको मोबाइल नेटवर्क डिजिटल प्रविधि हो । यसको स्पिड १४ केबिपिएसदेखि ६४ केबिपिएससम्म रहेको हुन्छ ।

३.

सन् २००० देखि २००३ को बीचमा सुरु भएको २.५ मोबाइल पुस्तामा ११५ केबिपिएसमा जिपिआरएस र ३८४ केबिपिएसमा इड्ज सेवा चलाउन सकिन्छ । यसमा डेटा ट्रान्सफरका लागि प्याकेट स्वीचिङ प्रविधि प्रयोग गरिएको थियो ।

४.

आइटियुले सन् २००० मा नै तेस्रो पुस्ताको मोबाइल नेटवर्क डिफाइन गरेको हो । सन् २००० पछि युरोप, अमेरिका, कोरिया, जापानहरूमा यो सेवा सुरुवात भयो । यसमा WCDMA, CDMA, ST-SCDMA जस्ता स्ट्यान्डर्डहरू रहेका छन् । यसको स्पिड ३८४ केबिपिएसदेखि २ एमबिपिएससम्म रहेको छ ।

५.

सन् २०१० मा सुरुवात भएको चौथो पुस्ताको मोबाइल नेटवर्क आइपीमा आधारित नेटवर्क सिष्टम हो । यसमा LTE-TDD, LTE-FDD, WiMax  स्ट्यान्डर्डहरू रहेका छन् । यसको स्पिड १०० एमबिपिएसदेखि १ जिबिपिएससम्म रहेको छ ।

६.

सन् २०१५ मा दक्षिण कोरियाबाट इनिसिएसन भएको पाँचौं पुस्ता (5G)ओपन वायरलेस आर्किटेक्चर प्रविधिमा आधारित छ । यसको स्पिड १ देखि १० जिबिपिएससम्म रहेको छ ।

७.

छैटौं पुस्ताको मोबाइल नेटवर्क ग्लोबल कभरेजका लागि स्याटेलाइट नेटवर्कबाट हुन सक्ने जनाइएको छ । यस पुस्तामा अपत्यारिलो फास्ट र सस्तो इन्टरनेट हुनेछ । यसको डेटा रेट १० गिगाबाइट प्रतिसेकेण्डभन्दा बढी हुनेछ ।

८.

सातौं पुस्ताको मोबाइल नेटवर्कले केबल तथा अन्य प्रविधि पूण रूपमा विस्थापित गरी संसारभर सुपर हाई स्पिडको इन्टरनेट जहाँतहीँबाट एक्सेस गर्न सकिने अवस्था आउनेछ ।

Check Also

सिम टिभीसहित ३ आइएसपीको अनुमतिपत्र खारेज गर्ने प्रक्रियामा एनटिए

दूरसंचार प्राधिकरणले शर्त बमोजिम सेवा संचालन नगरेको र बित्तीय विवरण समेत नबुझाएको भन्दै तीनवटा इन्टरनेट …

जिएसएम तथा सिडिएमए सेवाका ग्राहकलाई टेलिकमको प्रमोसनल अफर

आम नेपाली नागरिकलाई टेलिफोन सेवा उपलब्ध गराइएको १ सय वर्ष पूरा भएको अवसरमा विश्व दूरसञ्चार …

Leave a Reply

Your email address will not be published. Required fields are marked *