Home / Featured / ५.८ इन्चको ओएलइडी डिस्प्लेसहित आइफोन ८ सार्वजनिक हुने !

५.८ इन्चको ओएलइडी डिस्प्लेसहित आइफोन ८ सार्वजनिक हुने !

आइफोन ८ कहिले सार्वजनिक हुन्छ ? के के विशेषता हुन्छन् ?  मूल्य कति हुन्छ ? यी प्रश्नहरु आइफोन ७ लञ्च हुनेबित्तिकै गर्न थालिएको हो । विभिन्न स्रोतले आइफोन ८ एप्पलको १०औं वार्षिकोत्सवको अवसर पारेर सेप्टेम्बरमा लञ्च हुने बताइरहेका छन् । कम्पनीले तीनवटा नयाँ आइफोन सार्वजनिक गर्ने चर्चा बाहिर आएको छ । यसमध्ये ५.८ इन्चको ओएलईडी डिस्प्लेसहित सार्वजनिक हुने भनिएकाे अाइफाेन ८ बारे विशेष चर्चा भइरहेकाे छ । साथै आइफोन सेभेन एस तथा सेभेन एस प्लस पनि सार्वजनिक हुँदैछ ।

कम्पनीले आफ्नो नयाँ फ्ल्यागशिपको नाम आइफोन एक्स राख्ने विभिन्न जानकारीहरु आएका छन् । योसँगै केही आकर्षक फिचरहरुसहित आउन लागेको समाचार पनि आइरहेको छ । ए ११ चिप, ५.८ इनचको ओएलइडी डिस्प्ले, वायरलेस चार्जिङ लगायतका आमूल परिवर्तनसहितका टेक्नोलोजी आइफोन ८ मा पाउन सकिने जनाइएको छ । यसको अर्थ आइफोन ८ मा अहिलेसम्मका आइफोनमा मात्रै नभर्इ हाल बजारमा रहेका आम स्मार्टफोनभन्दा उल्लेख्य रुपमा ठूलो हुनेछ ।

आइफोन ८ धेरै ठूलो हुने भो भनेर चिन्ता लिनेहरुका लागि सुखद खबर के छ भने एप्पलले माथिल्लो र तल्लो भागहरुलाई छाँटेर यसलाई आइफोन ७ प्लसभन्दा सानो बनाउनेछ । तर, यसको मूल्य भने अहिलेसम्म बजारमा ल्याएकोमध्येकै सबैभन्दा महंगो अर्थात् एक हजार डलरभन्दा बढी हुने अनुमान गरिएको छ । स्रोतका अनुसार आइफोन ८ मा ५.८ इन्च डिस्प्ले रहनेछ तर, ५.१५ इन्च मात्रै प्रयोग गर्न सकिनेछ ।

Check Also

टेलिकमले ल्यायो तिहार र छठका लागि आकर्षक अफर

नेपाल टेलिकमले नेपालीहरुको महान चाड पर्वहरुको उपलक्ष्यमा विगत वर्षहरुमा जस्तै यस वर्ष पनि कम्पनीका सेवाहरुमा …

सेयरमा लगानी गर्न चाहनेलाई डेटा एनालिटिक्स सफ्टवेयर सार्बजनिक

सेयरमा लगानी गर्न चाहनेलाई सत्यतथ्य जानकारी दिने उद्देश्यले मेरो लगानीको डेटा एनालिटिक्स सफ्टवेयर सार्वजनिक भएको छ …

Leave a Reply

Your email address will not be published. Required fields are marked *