सोमबार, ८ असोज, २०७५
Monday, 24 September, 2018

नेपालका  बिद्यालय तथा बिद्यार्थीहरुको लागि  लाइब्रेरी नेपाल डट कमको सुरु

पुस १९ गते शिक्षा मन्त्रालयमा आयोजित एक कार्यक्रममा लाइब्रेरी नेपाल डट कमको सुरुवात गरिएको छ । पुस्तकलय नेपाललाई  इलेक्ट्रा मिडियाका निर्देशक  डा।लिन्जी डिकीन्सनले नेपाली बिद्यालयका निम्ति तयार पारिएको अनलाइन लाइब्रेरी रहेको कार्यक्रममा जानकारी दिइएको थियो  ।

पुस्तकालय नेपाल, नेपालका बिद्यालयहरुले आफ्ना पुस्तकालयहरुको सहि सदुपयोग गरुन भन्ने उद्देश्य राखी स्थापना गरिएको शैक्षिक श्रोत हो । इलेक्ट्रा मिडियाले यसको निर्माण तथा डीजाइन  गरेको हो । त्यस्तै यो नयाँ पुस्तकालय स्थापनाका लागि स्तम्भ नेपालको सहकार्य तथा त्रिभूवन विश्वबिद्यालय,सूचना प्रबिधि केन्द्र ९सीआइटी नेपाल० र कम्प्युटर महासंघ नेपालको सहभागिता समेत रहेको छ ।

नेपालको साक्षरता,पढाई तथा पुस्तकालयको लगाब प्रति उक्त पुस्तकालय लक्षित छ । साथै नेपाल सरकारको शिक्षा मन्त्रालयको ूएक बिद्यालय –एक पुस्तक ू अभियानलाई सहयोग पुर्याउन यो परियोजना थालिएको हो । यसले बिद्यालयलाई आफै विविध कुरा सिक्न सक्षम समुहको स्थापना गर्न सहयोग गर्दछ र यसका साथै बिद्यालयका कर्मचारीलाई बिद्यालयको पुस्तकालयको राम्रो सदुपयोग कसरि गर्ने भन्ने कुराको ढाँचा प्रदान गर्ने गर्दछ । साथै यसले बिद्यार्थीहरुमा पढ्ने उत्साहको बृद्धी तथा आफ्नो शैक्षिक क्षमताको विकास गर्नको लागि  प्रोत्साहित गर्न संरचना प्रदान गर्ने गर्दछ ।

पुस्तकालय नेपालका सामग्रीहरुले बिद्यार्थीहरुलाई  नेतृत्व तथा सामुहिक कार्यको विकास गर्न, सकारात्मक वातावरणको निर्माण गर्न तथा पुस्तकहरु पढेर आत्मविश्वासी बन्न मार्ग दर्शन गराउने गर्द्छ । स्कूलका कर्मचारीहरु लाई राम्रो पुस्तकालय निर्माणका लागि ढाँचा तयार गर्नु  तथा बिद्यार्थीहरुलाई आफै पढ्न र सिक्न सक्षम बनाउनु पुस्तकालय नेपालको मुख्य लक्ष्य रहेको छ । बिद्यार्थीहरुलाई किताबहरु पढ्ने,छलफल गर्ने तथा कथाहरु पढेर रमाउने बनाउने महत्वकांक्षामा यो पुस्तकालय केन्द्रित छ ।

पुस्तकालय नेपालका सामग्रीहरुलाई बिद्यालयहरुले www.library-nepal.com बाट डाउनलोड गरेर निशुल्क रुपमा प्रयोग गर्न तथा वितरण गर्न सक्छन् । त्यस्तै यी सामग्रीहरु अंग्रेजी तथा नेपाली दुवै भाषामा डाउनलोड गर्न सकिन्छ । यसरि डाउनलोड गरिएका सामग्रीहरुलाई प्रयोग गर्न  प्रिन्ट गर्न,प्रोजेक्टर द्वारा हेर्न तथा कम्प्युटर तथा मोबाइलको स्क्रिनमा देखाउन वा कालोपाटीमा समेत सार्न सकिन्छ ।

यसको प्रयोग गर्न इन्टरनेटको आवश्यकता पर्दैन् । पुस्तकालयका सामग्रीको आफ्नो आवश्यकता अनुसार प्रयोग गर्न बिद्यालयहरुले स्वतन्त्र छन् । बिद्यार्थीहरुले आफुलाई आवश्यक पाठहरुको छनौट गर्न सक्नेछन् भने शिक्षकहरुले पनि आफ्नो अनुकुलता अनुसार पढाउने क्रममा तिनीहरुको प्रयोग गर्न सक्नेछन् ।  

सम्बन्धित समाचार
धेरै पढिएको
ट्वीटरमा