शनिबार, ४ श्रावण, २०७६
Saturday, 20 July, 2019

ओएसआरले ल्यायो भिडियो पसल एप, रिलिज भएकै दिन फिल्म हेर्न मिल्ने

ओएसआर डिजिटलले अब नेपाली फिल्म रिलिज भएकै दिन अनलाइनमा राख्ने भएको छ । यसका लागि दर्शकले अनलाइनबाट रकम भुक्तानी गरेर फिल्म हेर्न सक्छन् ।

ओएसआर डिजिटलले अनलाइनमा यसरी फिल्म हेर्न मिल्ने एप भिडियो पसल ल्याएको छ । आइओएस र एन्ड्रोइड दुवै प्लाटफर्ममा एप उपलब्ध छ । 

भिडियो पसलको एप्समार्फत अनलाइन दर्शकले हलमा सार्वजनिक प्रदर्शन भएकै दिनमा हेर्न पाउने ओएसआर डिजिटलले जनाएको छ ।

भिडियो पसललाई सुरुवातमा नेपाल बाहिर मात्रै डाउनलोड गर्न मिल्ने बनाइएको छ । 

दर्शकले एकपटक पैसा तिरेपछि हप्ताभरि जुनसुनै समयमा पनि फिल्म हेर्न पाउने छन् ।

सुरुवाती चरणमा पछिल्लो समय रिलिज भएका फिल्म 'क्याप्टेन', 'ब्रेकअप' 'प्रसाद' अपलोड भइसकेको र अन्य फिल्म पनि भिडियो पसलमा राखिने क्रममा रहेको ओएसआरले जनाएको छ ।

 

सम्बन्धित समाचार
धेरै पढिएको
ट्वीटरमा