शुक्रबार, ६ भदौ, २०७६
Friday, 23 August, 2019

आयो 'सेलपे', वालेट नबनाईकन बैंकिङ सेवा लिन सकिने

व्यावसायिक समूह आईएमएस ग्रुपले भुक्तानीलाई प्रविधिमार्फत सञ्चालन गर्ने उद्देश्यसहित भुक्तानी सेवा प्रदायक कम्पनी ‘सेलपे’ सार्वजनिक गरेको छ । 

मंगलबार नेपाल राष्ट्र बैंकका गभर्नर डा. चिरञ्जीवी नेपालले पेमेन्ट गेटवे सार्वजनिक गरेका हुन् । सेलपे सेवा मोबाइल तथा वेब एप्लिकेसनको माध्यमबाट आफ्नै बैंक खाताबिना प्रयोग गरी विभिन्न भुक्तानी तथा रकम स्थानान्तरण गर्न सकिनेछ । यसमा अन्तर्राष्ट्रिय स्तरको सुरक्षा प्रणाली अपनाइएको बताइएको छ । कम्पनीका प्रमुख कार्यकारी अधिकृत पवन प्रधानले बजारमा  सञ्चालितभन्दा फरक र नवीन प्रविधिसहित सेलपे सार्वजनिक गरिएको जानकारी दिए ।

नेपाल राष्ट्र बैंकका गभर्नर डा। चिरञ्जिवी नेपालले अबका दिन प्रविधिमा आधारित भुक्तानी प्रणालीको सेवा शुल्क तोक्ने बताएका छन । हाल राष्ट्र बैंकले देशलाई डिजिटलाईजेशनमा लैजानका लागि प्रविधिमा आधारित भुक्तानी सेवा प्रदायकलाई लाईसेन्स दिईएको र आगामी दिनमा यसको नियमन र अनुगमन गरिने उनले जानकारी दिए । अहिले देशमा तीन तहका जनता भएको र अबका दिन उनीहरुका लागि मिल्ने खालका प्रविधिमा आधारित भुक्तानी प्रणाली ल्याउनुपर्ने उनले जानकारी दिएका छन ।

‘अहिले डिजिटल पेमेन्टमा चुनौती र अबसर दुबै छन भने सोही अनुरुप लगानी पनि उच्च छ,’ सेलपेको उद्घाटन समारोहमा बोल्दै उनले भने, ‘सोही अनुरुप राष्ट्र बैंकले यसको अनुगमन र शुल्क तोक्ने विषयमा गृहकार्य गर्दै आएको छ ।


कार्यक्रममा सेलपेका अध्यक्ष दिपक मल्होत्राले राष्ट्र बैंकले बैंक तथा वित्तीय संस्थालाई जसरी प्रविधिमा आधारित भुक्तानी प्रणालीको लाईसेन्स हचुँवाको भरमा वितरण नगर्न आग्रह गरेका थिए । ‘नेपालका लागि कतिओटा पेमेन्ट गेटवे चाहिने हो त्यसको अध्ययन गरिनुपर्छ,’ उनले भने, ‘सोही आधारमा लाईसेन्स दिनुपर्छ ’ मंगलबार प्रविधिमा आधारित भुक्तानी सेवा सेलपेको औपचारिक सार्वजनिक गरिएको छ ।

सेलपे वालेट नबनाईकन बैंकिङ सेवा लिन सकिने भुक्तानी प्रणाली भएको र यसबाट बैंकिङ कारोबार गर्न पनि सहज रहेको कम्पनीका अध्यक्ष मल्होत्राले जानकारी दिए । उनका अनुसार रियल टाईममा सेवा बैंकिङ सेवा उपलब्ध गर्न र सरल र सहज रुपमा मोबाईलमार्फत बैंकिङ सेवा प्रदान गर्नका लागि उक्त सेवाको सुरुवात गरिएको हो ।
 

सम्बन्धित समाचार
धेरै पढिएको
ट्वीटरमा