बिहीबार, २९ कार्तिक, २०७५
Thursday, 15 November, 2018

'एनसीआइटी रोबोटिक क्लब'ले निर्माण गरेको रोबोट क्यान इन्फोटेकमा

एनसीआइटी कलेजका बिद्यार्थीहरुको समुह एनसीआइटी रोबोटिक क्लबले क्यान इन्फोटेकमा बिभिन्न प्रकारका प्रोटोटाइप रोबोटहरु प्रदर्शनमा राखेको थियो । क्लबले जीबीएस टिमको प्रशिक्षणमा इन्डस्ट्रियल रोबोट,अफरोड सर्वेलियन्स रोबोट तथा ड्रेन सर्वेलियन्स रोबोट लगायत अन्य थुप्रै रोबोटहरु निर्माण गरेको हो । यी रोबोटहरुले पनि मेलामा धेरै अवलोकन कर्ताहरुको ध्यान आकर्षित गरेको थियो ।

इन्डस्ट्रियल रोबोटले इन्डस्ट्रियल साइटका कामहरु गर्न सहयोग गर्छ । सामान ओसार पसार गर्ने,म्यनुफ्याक्चरिङ कम्पनीहरुमा,समानहरु मिलाउने तथा यो रोबोटको प्रयोग अन्य थुप्रै कामहरुमा प्रयोग गर्न सकिन्छ। यसका साथै अफरोड सर्वेलियन्सले भने मानिसहरुको उद्धार कार्यमा सहयोग   गर्छ । 

 भू-कम्प जस्तो प्राकृतिक बिपत्तिमा परेर यदि मानिसहरु हराएमा अथवा भत्किएका घर भित्र   हराएका तथा बिपतमा परेका मानिसहरुको खोजि गर्न अफरोड सर्वेलियन्स रोबोटले सहयोग   गर्द्छ। यसमा क्यामेरा जडान गरिएको छ ।

 त्यसकारण यसले घरभित्रको स्थितिको   अवलोकन गरि बाहिर रिसिभरमा इन्फर्मेसन   पठाउँछ। 

 त्यस्तै ड्रेन सर्वेलियन्स रोबोटले भने ढल,इनार,पानिट्यांकी लगायतको  ठाउँहरु सरसफाईका   लागि मद्दत पुर्याउछ । यो रोबोटले ढल तथा पानिट्यांकीहरु सरसफाईका क्रममा त्यहाँ मानिस प्रवेश गर्नु भन्दा अघि बिषयुक्त ग्याँस भए नभएको पहिचान गर्न सहयोग पुर्याउँछ । यो ड्रेन रोबोटमा यी उक्त जानकारीहरु प्राप्त गर्न ग्याँस सेन्सर तथा क्यामेरा जडान गरिएको छ ।  

इन्फोटेकमा एनसीआइटी रोबोटिक क्लबका मेम्बरहरुले यी बाहेक अन्य प्रकारका रोबोटहरु पनि प्रदर्शनमा राखेका थिए । यी रोबोटहरुको प्रयोगले भविष्यमा दैनिक कार्यहरु सहजताका साथ गर्न सकिने र समयको बचत लगायत अन्य थुप्रै फाईदाहरु लिन सकिने क्लबका सदस्यहरुले बताए ।    

सम्बन्धित समाचार