बिहीबार, १ कार्तिक, २०७५
Thursday, 18 October, 2018

शावमी ब्राण्डको नयाँ स्मार्टफोन रेडमी ५ प्लस अब नेपाली बजारमा

शावमी विश्व प्रसिद्ध चाइनिज कम्पनि हो,जसले स्मार्टफोन,मोबाइल एप्स तथा बिभिन्न डीजाइन आदि विश्वब्यापी रुपमा उत्पादन गर्ने गर्द्छ । नेपालका लागि शावमीको आधिकारिक विक्रेता वत्सल ईमपेक्सले नेपाली बजारमा शावमीको रेड्मी ५ प्लस सार्बजनिक गरेको छ ।

वत्सल ईमपेक्सले एमआइ ब्राण्डका सम्पूर्ण फोन तथा एक्सेसरिजहरु आफ्ना सम्पूर्ण डिलरहरुमा उपलब्ध गराउँदै आएको छ । एमआइको रेड्मी ५ प्लस लगायत अन्य डिभाइसहरु शावमी नेपालको आधिकारिक वेबसाइट www.xiaominepal.com.np मा गएर पनि अनलाइनमा पनि खरिद गर्न सकिन्छ ।

रेडमी ५ प्लसमा ५.९९ इन्च स्क्रिन सहित २१६० x १०८० फुलएचडी रेजोलुसन रहेको छ । यसको स्क्रिनको अनुपात १८:९ रहेको छ । फोनमा स्नापड्रागन ६२५ को २.० जीएचजेडको प्रोसेसर रहेको छ । यसका साथै ३ जीबी र्याम र ३२ जीबी बिल्टइन मेमोरी छ ।

फोनमा क्यामेराको कुरा गर्दा एफ/२.२ सहितको १२ एमपी रियर क्यामेरा तथा ५ एमपीको फ्रन्ट क्यामेरा यसमा छ ।यसका साथसाथै यो ह्यान्डसेटमा ४००० एमएएचको ब्याट्री प्याक भएको छ । फिन्गर प्रिन्ट सेन्सर,डुअल सिम र डुअल स्ट्यान्ड बाइ आदि फिचर भएको यो फोनको मूल्य रु २३ हजार ४ सय ९९ तोकिएको छ । एमआइको यो सेट देशभरका आधिकारिक रिटेल स्टोरहरुबाट खरिद गर्न सकिन्छ ।  

सम्बन्धित समाचार
धेरै पढिएको
ट्वीटरमा