सोमबार, ४ भदौ, २०७५
Monday, 20 August, 2018

माइक्रोसफ्टको विश्वस्तरिय 'इमाजिन कप'मा नेपाली समुह 'सोचवेयरले जिते प्रथम पुरस्कार

माइक्रोसफ्टले विश्वस्तरमा आयोजना गरेको इमाजिन कप २०१८ मा नेपाली समुहले प्रथम पुरस्कार हात पारेको छ । नेपालको टिम सोचवेयर आर्टिफिसल इन्टेलिजेन्सी विधाको विश्व विजेता भएको हो । 


मंगलबार भएको फाइनलमा इमाजिन कप २०१८ को आर्टिफिसल इन्टेलिजेन्स विधाको बिजेता नेपाली प्रोडक्ट सोचवेयर भएको घोषणा गरियो ।

मिलन थापा, शिशिर श्रेष्ठ र इदा रिजालको समुह सोचवेयरले विश्वमा पछिल्लोसमय चर्चामा रहेको प्रविधि आर्टिफिसियल इन्टेलिजेन्समा उत्कृष्ट अवार्ड जितेको हो ।

 
सोच्वेरले किसानहरुलाई बिरुवाको रोग पत्ता लगाउने, विशेषज्ञहरु सगँ कुरा गराउने र सल्ला सुझवा दिने विषेशताको कारण यो विधाको बिजेता बनेको हो ।

यस वर्ष इमाजिन कपले १५ हजार अमेरीकी डलरको ३ विधाहरु थपेको थियो, जसमा एआई (आर्टिफिसल इन्टेलिजेन्सी), बिग डाटा, मिक्स रियाल्टी रहेका थिए ।


सोच्वेरले कृषिलाई इन्टरनेट मार्फत किसानका समस्या समाधान गर्न मदत गर्दछ तथा कुषिमा नयाँ पत्ता लगाएका कुराहरुको अपडेट पनि दिने गर्दछ । त्यस्तै इमाजिन कपको बिग डेटा बिधा भारतको ड्रग सेफले जितेको छ र मिक्स रियाल्टी विधा अमेरीकाको पेनग्रामले हात पार्न सफल भएको छ । 


यस वर्ष ३३ देशका ४९ टिमहरु विश्व फाईनल प्रतिस्पर्धामा सहभागीता जनाउन पाएका थिए । यस वर्षको इमाजिन कप विश्व च्याम्पीन क्यानेडाको स्मार्ट एआरएम बनेको छ । स्मार्ट एआरएमले माइक्रो सफ्टवेर एयुरेचर प्रयोग गरी प्रोस्थेटिक रोबट हात बनाएको थियो ।            

नेपाली समुहले अवार्ड प्राप्त गरेपछि खुसी हुदै माइक्रोसफ्ट नेपालका दिपेन्द« बज्रचार्यले यो जितले नेपालीहरु इनोभेसन र प्रविधिमा कमजोर नभएको प्रमाणित भएको बताए ।      

 

                                                                                                 

सम्बन्धित समाचार
ट्वीटरमा