सोमबार, ११ चैत, २०७५
Monday, 25 March, 2019

राजधानीमा माघ १५ देखि ‘सुबिसु क्यान इन्फोटेक २०१९’ हुने

काठमाडाैं । आगामी माघ १५ देखि काठमाडौंको भृकुटीमण्डपस्थित प्रदर्शनीहलमा २५औं संस्करणको ‘सुबिसु क्यान इन्फोटेक २०१९ इन एशोसिएसन विथ ई–सेवा’ आयोजना हुने भएको छ । मंगलबार पत्रकार सम्मेलन गर्दै आयोजक क्यान महासंघले सो जानकारी दियो । 

प्रदर्शनीमा सूचना प्रविधिसम्बन्धी कुल १ सय ७५ स्टल रहने छन् । हार्डवेयर सेल्स तथा मेन्टिनेन्स, पावर सलुसन, मोबाइल फोन, मोबाइल फोन एसेसरिज, डिलर एवं डिस्ट्रिब्युटर्स, इन्टरनेट सेवाप्रदायक, टेलिकम्युनिकेसन्स, आइसिटी कलेज तथा ट्रेनिङ इन्स्िटच्युट, सफ्टवेयर सोलुसन्स, पेमेन्ट सलुसन्स आदि प्रदर्शनीमा सहभागी हुने छन् ।

No photo description available.

नयाँ नयाँ प्रबिधिको अवलोकनसँगै जागिरको अवसरपनि भन्ने नाराका साथ आयोजित मेलामा सूचना तथा सञ्चार प्रविधि र उपकरणको अवलोकन तथा खरिद गर्न सकिने छ । 

यस पटकको इन्फोटेकमा शिक्षा, स्वास्थ्य, कृषि र पर्यटनको क्षेत्रमा प्रयोग भएका नयाँ प्रबिधि समेत समावेश गर्ने प्रयास गरिएको छ । मेलामा प्रत्येक ३/३ घण्टामा चिठ्ठा मार्फत अवलोकनकर्तालाई गिफ्ट ह्याम्पर प्रदान गरिने छ । साथै प्रत्येक दिन १ जनालाई बम्पर पुरस्कारको पनि व्यवस्था गरिने बताइएको छ । नेपालीले निर्माण गरेको दैनिक जीवनमा प्रयोग हुने रोबोट पनि प्रदर्शन गरिने छ ।

सूचना प्रबिधिको क्षेत्रमा करियर बनाउन प्राबिधिक विषय अध्ययनरत विधार्थीले मेला स्थलमै बायोडाटा बुझाउन सक्नेछन् । क्यान महासंघले ती बायोडाटालाई आइटी कम्पनीहरुमा पठाइदिने र रोजगारीका लागि आवश्यक सहजीकरण गर्ने पत्रकार सम्मेलनमा जानकारी दिइयो ।

मेला अवलोकनका लागि सर्वसाधारणलाई प्रवेश शुल्क १०० रुपैयाँ र विद्यार्थीका लागि ५० रुपैयाँ तोकिएको छ । साथै अनलाइन टिकट खरिदमा १० प्रतिशत छुट रहेको छ । 

क्यान महासंघका अध्यक्ष हेमन्त चौरासियाले सूचना प्रविधिको बृहत् प्रदर्शनीलाई राजधानीमा मात्रै केन्द्रित नगरी सातै प्रदेशमा यो वर्ष इन्फोटेक मेला गर्न लागिएको जानकारी दिए ।

महासंघकी उपाध्यक्ष सुनैना पाण्डे घिमिरेले यस पटकको इन्फोटेकमा दैनिक जीवनमा प्रयोग हुने प्रविधिहरुको छुट्टै पेभिलियन बनाउन लागेको जानकारी दिईन् । 

महासंघका निवर्तमान अध्यक्ष विनाेद ढकाल, पूर्वअध्यक्ष विप्लवमान सिंहलगायतकाे पनि साे अवसरमा उपस्थिति थियाे । 

सम्बन्धित समाचार
धेरै पढिएको
ट्वीटरमा